عاوز رفيقة نضال

هي شوية حاجات لازم تبقي موجودة في البنت اللي هارتبط بيها , ملحوظة "الفلول يمتنعون" .
اول حاجة تكون مضت علي بيان التغير بتاع د.البرادعي وتقولي رقمها بالظبط من الموقعين عشان اتأكد.
تكون جاتلها حالة الاحباط اللي جتلي بعد انتخابات 2010 .
تكون وهي صغيرة طلعت في مظاهرة عشان محمد الدرة .
تكون حطت صورة البروفايل بتاعها قبل يوم 25 يناير صورة كن مع الثورة او اي صورة تأيد بيها النزول
تكون عملت ريموف لكل صحاباها الفلول
تكون نزلت الميدان علي الاقل مرة ايام قبل التنحي  اي ميدان التحرير ,ميدان الاربعين السويس , القائد ابراهيم اسكندرية , ميدان الساعة دمياط اي حاجة مش هتدقق يعني .
متكونش نزلت يوم التنحي بس .
متكونش عيطت يوم خطاب المخلوع التاني .
تكون قالت لأ علي التعديلات الدستورية او قالت نعم بس مش عشان الاستقرار او عشان انه واجب شرعي
تكون استدعت مرة علي الاقل في النيابة العسكرية او امن الدولة .مش هدقق برضه في دي
تكون شاركت في وقفة عشان يشيلوا رئيس الجامعة بتاعتها واللي كان من الفلول
تكون هتنتخب البرادعي او ابو الفتوح مش اي حد تاني
تكون اتخانقت مع مامتها عشان كانت عاوزة تنزل مظاهرة ومامتها موافقتش
يوم محاكمة مبارك متكونش اتعطفت معاه برضه
يوم محمد محمود تكون عملت اي حاجة اتبرعت بفلوس ودت اكل او دوا الميدان .
تكون انتخبت قايمة الثورة مستمرة او الوسط في الانتخابات اللي فاتت
يوم فرحنا تكون متاكده اني ممكن اجيب اسكندريلا يغنوا في الفرح .
حاسس انها حاجة حلوة تكون البنت اللي بتحبها وهترتبط بيها حد ثوري حد فاهم كويس وتعرف تتكلم معاه في اي حاجة , اعتقد ان شعور انك تنزل مظاهرة انت وهي ده شعور لا يوصف , بتجروا من قنبلة الغاز مع بعض بترمو طوب علي الامن .
ابعت يارب

تفاصيل موجزة

تفاصيل صغيرة في حياة كل واحد بتفضل عايشه معاه سواء بتفكره بحاجة حلوة حصلتله أو موقف محرج وقع فيه او مشكلة تافهة بس كانت عظيمة ساعتها, حد كان متعلق بيه وهو صغير ,يوم جميل مش هينساه .

كوباية القهوة اللي كان بيعملها بالليل من ورا مامته , البنت اللي كان بيحبها من اولي ابتدائي ومشفهاش بقاله سنين لانهم فصلوا بين الولاد والبنات في مدرسته من سنة رابعة , أول مرة يروح فيها مسجد الحسين مع باباه , أغنية سمعها, لحنها لسه في دماغه بس لا فاكر اسمها ولا مين بيغنيها , البرنامج اللي كان بيستناه كل يوم اربعاء الساعة 11بالليل ويتفرج عليه والبيت كله نايم , في اجازة الصيف بعد العصر كده لما كان باباه بيقعد يحفظه جزء عم , مقال ابراهيم حجازي في اهرام الجمعة ,
 المسرحية اللي كانت بتيجي يوم الخميس بالليل , الكارتون اللي بيجي علي القناة التالتة الساعة 10 الصبح ,المظاهرة الصغيرة اللي عملناها واحنا في ابتدائي عشان محمد الدرة, الاسبوع اللي قبل امتحانات اخر السنة واللي مكنش بيروح فيه المدرسة ويقعد يذاكر في البيت , الايام اللي البيت كان بيتدهن فيها , صورة مقطوعة من مجلة للممثلة اللي كان بيحبها ,اول مرة يروح فيها البحر وخوفه من ان رجله تلمس المية , لما كان بيقعد يزن علي باباه في صلاة الجمعة عشان زهق وعاوز يروح ,
 ماتشات يورو2000 ولما عيط في ماتش النهائي عشان ايطاليا خسرت في اخر ثانية , قصة الحب اللي كانت من طرف واحد بينه وبين المدرسة بتاعت الرسم , مشوار الفجالة اللي كان بيروحه مع باباه عشان يجيبوا الكشاكيل والجلاد قبل الدراسة ما تبتدي , يوم ما بات عند خاله عشان مامته وبابه سافروا يحضروا عزاء في البلد وفضل يلعب ويضحك مع ولاد خاله ولا كأن حد مات ,
 الخروجه الصغيرة اللي كان بيعشقها لما بيروح هو وباباه يتمشوا علي النيل , اول يوم في المدرسة لما كان بيروح بدري اوي عشان يحجز مكان في اول ديسك , اول يوم العيد لما حصلت حادثة قطر الصعيد ولما زعل اوي عشان مش هيعرضوا الفيلم اللي كانو المفروض يجيبوه حدادا علي الضحايا ,
يوم ما اتعلم يلعب كونكان , العادة اللي لسه مقطعهاش لحد دلوقتي انه يصلي الجمعة مع خاله ودايما بينزلوا متأخر ويكون الخطيب ابتدي الخطبة , انه كان بيعرف يقف جون كويس مع انه كان قصير .

يمكن الواحد يتضايق لما يفتكر كل التفاصيل دي وان الايام دي مش بيعشها دلوقتي ولان ساعتها الدنيا كانت ابسط والمشاكل كانت صغيرة وتتحول الحاجات دي من انها كانت بتبسطه لحاجات بتوجعه , بس كل ده ممكن يتغير لما يلاقي حد يشاركه التفاصيل دي ويحكيله عنها ويصنع معاه تفاصيل تانية ...اوعدنا يارب بالشخص ده :) 

لن تـأت

هي المرة الاولي التي استخدم فيها القطار كوسيلة مواصلات للوصول لتلك المدينة الساحلية وايضا المرة الاولي التي أطلب فيها من فتاة أن اقابلها.

 كنت قد قضيت اليومين السابقين في بعض الاعدادات لهذا اللقاء الذي كنت اتمناه كنت قد جهزت كتابا كي اعطيه لها وبعض التصورات لهذا اللقاء الوهمي في خيالي, اقابلها, اكون في اسعد حالاتي, اتوتر في كلامي معها كعادتي حين اتكلم مع أي انثي اتعرف إليها اكثر ,احكي لها عن بعض الاحداث التي حدثت لي مؤخرا :الكلية, الميدان .مواقفي مع بعض الاصدقاء, أخبرها ايضا ان تبدأ التركيز في دراستها امتحانات نهاية الفصل الدراسي اقتربت, وأن تحاول تخرج نفسها من حالة الحزن والعزلة التي احيانا تضع فيها نفسها وان تشاركني أي شئ يحزنها أو يغضبها في حياتها إن أرادت ,والكثير والكثير كنت أسأل نفسي هل سيكفي الوقت المتاح كي يستمر هذا الحوار بيننا؟؟

ولكن كعادة عدم التوفيق الذي يحالفني دائما فهو الصديق السئ الوحيد الذي لم استطيع التخلص منه.
لن تأت. 

اعتذرت لبعض الاسباب وانها لن تستطيع لقائي. 

اذا هذا ما حدث والذي خالف كل احلام يقظتك واللقاء الوهمي الذي رسمته في خيالك, اذا سيعود معي الكتاب الذي كنت قد أحضرته لها وقررت الا أقرأ مرة أخري لابراهيم اصلان فقد اصبح فأل شؤم.

 ساحاول ان استمتع بتلك الرحلة ولكني اشعر بأن المدينة سينقصها شئ ما ,سينقصها تلك الابتسامة التي لن أراها كما كنت آمل سينقصها حوارنا عن بعض تشدد الاسلامين في بلادنا وفرص البرادعي في الرئاسة ,سينقصها ابدائي رأيي في اخر تدوينة كتبتها ,لن تغني زيارتي للمكتبة أو القلعة عن كل هذا الذي سأفتقده .

وحزنت ايضاً لاني سأضيف الي هذة المدينة الهادئة بعض من سوء حظي الذي يلازمني والذي يبعدني عن اي شئ اتصور انه قد يسبب لي سعادة ولو مؤقته.

وضعت سماعات الاذن استمعت لقصيدة محمود درويش " في الانتظار" والتي شعرت حينها انه كتبها لي خصيصا  وذهبت في نوم متقطع وبعض احلام النوم او اليقظة لا ادري وتخللت  في هذة الاحلام صورتها التي احبها وهي في زيها البنفسجي. 

الي ان وصل القطار الي أجمل المدن القديمة واقدم المدن الجميلة. 

انا والاخوان ...توم وجيري

قبل يوم 25 يناير بالادق في بداية السنة الدراسية اللي فاتت كنت بجمع في الكلية انا وزميلي الاخواني احمد العطار توقيعات علي بيان التغير , لما شفت مسلسل الجماعة اتضايقت جدا من الحيوان وحيد حامد وازاي كان مطلع الاخوان بالصورة دي , لما الاخوان حطوا علي الموقع بتاعهم اللينك بتاع التوقيع علي بيان التغير ولموا حوالي 800000 توقيع كنت اسعد واحد في الدنيا , اتضايقت منهم لما قرروا انهم هيدخلوا الانتخابات 2010 ومش هيقاطعوها ورجعت اتبسطت لما قروا يقاطعوها في الاعادة ,زعلت منهم لما قالوا انهم مش هيشاركو بشكل رسمي  يوم 25 يناير وانهم هيسيبوا القرار للي عاوز ينزل ,رجعت اتبسطت لما لقيت شباب منهم معانا يوم 25 في مسيرة مصطفي محمود واتبسطت اكتر لما قرروا ينزلوا بكامل قوتهم يوم 28 يناير , زعلت لما سمعت ان الاخوان اجتمعوا سرا مع عمر سليمان ايام الثورة , وكنت فخور جدا بيهم لما دافعنا علي الميدان سوا يوم موقعة الجمل .
 وبدأت موجة غضبي من الاخوان ساعة الاستفتاء والاسلوب الغريب الي كانوا بيروجوا بيه لنعم " نعم للاستقرار وانهاء الفوضي - التصويت بنعم واجب شرعي " بدأت اقول هو ممكن الاخوان يتبعوا اي اسلوب عشان يحققوا فكرة هما عاوزنها وارجع اقول اكيد لأ هي سقطة بس وخلاص عدت.
 يجي يوم 27/5 واللي الاخوان اطلقوا عليه جمعة الوقيعة بين الجيش والشعب وموقع الاخوان كذب يوميها وقال ان الاعداد قليلية برغم انها كانت مليونية قلت ازاي الاخوان يكدبوا للاسف مش بعرف اكره الاخوان مهما كان برجع اقول فيه ناس ليها اراء غريبة فعلا بس ارجع افتكر حد زي محمد حبيب ابراهيم الهضيبي عبدالمنعم ابوالفتوح عصام العريان الكتاتني وعبدالرحمن منصور وغيرهم كتير من الناس اللي انا بعشقها وبعشق فكرها من الاخوان ,اتبسطت جدا لما الاخوان قرروا ينزلوا يوم 8 يوليو وقولت التوحد هيرجع تاني ان شاء الله بس رجعت اتضايقت تاني لما قرروا انهم ميعتصموش معانا واتضايقت اكتر لما موقع اخوان اون لاين بدأ ينشر لخبار وصور اهانة للمعتصمين وتجريح فيهم اتبسطت جدا لما الاخوان شكلوا حزب وقلت لنفسي ساعتها هابقي مبسوط لو خدوا اغلبية ويرجع لهم حقهم ويفرحوا بعد سنوات القهر اللي فاتت , ميضايقنيش خالص لو الاخوان اخدوا اغلبية بالعكس انا هبقي مبسوط بس مش بحبهم يتبعوا اساليب هما اصلا مش في حاجة ليها , سيظل حسن النية هو اول شعور هحس بيه تجاه الاخوان .
تظل علاقتي بالاخوان هي علاقة توم جيري ازعل منك اه وكتير بس بحترمك واتضايق لو مكنتش موجود . 

تهيؤات غاز

كنت في نص شارع محمد محمود لاقيت بنت بتلبس شاب ماسك الغاز وبتقوله ربنا معاك ,جوه علي خط النار كان شاب ماسك دماغ بنت المرة دي وقلقان جدا وهي بترد بابتسامة وتقوله استرجل شوية, بنت جاية هي وخطيبها الميدان وجايبين معاهم أدوية واكل ومشاهد زي ديه كتير, اتمنيت لو  كانت تبقي معايا ساعتها اوي  بس كان في اسباب كتير تمنعها اول الاسباب دي انها بتبعد عن الميدان 220 كيلو متر.

 والسبب التاني اننا عمرنا ما اتقابلنا قبل كده كل حوارتنا مع بعض افتراضية معرفتي بيها كان من خلال كلامها اللي مكنش بيزيد عن 140 حرف مش فاهم ايه اللي حصل ليه حبيت اقرب منها ليه بحكيلها عن حاجات تخصني محكتش عنها لناس المفروض انهم قريبين مني, فرحتي لما بلاقي اي شئ مشترك بينا كاتب مثلا  احنا الاتنين بنحبه, احنا الاتنين بناكل كتير لما بنتضايق وحاجات تانية كتير مشتركة بينا ,هي حد باحب اتكلم معاه وبرتاح لما بحكيله حد تعرف تتكلم معاه في اي حاجة حد يشدك بتفكيره الناضج والمتمرد , دفاعها المستميت عن فكرة هي مؤمنة بيها ,حد حاطط لنفسه حدود مش بيتخطاها, مش بتتصنع اي حاجة مش فيها , حد بحب اشاركه معايا في تفاصيل صغيرة  في حياتي .

 فسرحت كده بدماغي وتخيلت انها معايا في الميدان وبتحكيلي المصاعب اللي واجهتهتا عشان تعرف تيجي والحجة اللي قالتها لمامتها عشان تعرف تنزل  . تخيلت اننا روحنا ناكل بعد ما تعبنا من الغاز . واننا روحنا نجيب اكل ودوا للناس واننا بنجري من الغاز والخرطوش وهي ماسكة ايدي .

عارف ان ده مش طبيعي ومش منطقي وان الواحد ميقدرش يعرف الحد اللي قدامه غير لما يقابله وانه مش بيبان كل الحاجات اللي فيه سواء العيوب او الحاجات الحلوة , بس ....مش عارف.

فوقت من السرحان اللي كنت فيه علي صوت قنبلة الغاز وهي بتتضرب وبنت حاطة 

بخاخة الاكسجين في بقي.

                                                                  21/11/2011 كتبت التدوينة دي

                                                   علي رصيف كنتاكي تحت بيت د.هبة رءوف

تعب

"اتفضلي اقعدي هنا " اخيرا حد قام لها عشان تقعد كان ولد صغير لابس يونيفورم المدرسة وشنطة باك  شكرته وقعدت بس هي مكنتش متضايقه انها واقفة في الاتوبيس عشان عارفه انه اتوبيس ولازم يكون زحمة وغالبا مش هتلاقي مكان وهتقف مكنتش بتنفخ او تبين انها متضايقة من الوقفة عشان محدش يفتكر انها بتعمل كده عشان حد يقوم لها.

 اول ما قعدت حطت دماغها علي الكرسي وراحت في النوم بقها كان مفتوح فتحة صغيرة كانت لابسه طرحتين واحدة رمادي وواحدة بمبي كان يومها متعب كالعادة نزلت من البيت الساعة 6 عشان تروح الكلية في ميعادها المشوار بياخد ساعة تقريبا كان يوم عادي زي اي يوم من ايام الكلية حضرت كل محاضرتها صورت ورق كتير النهاردة في وقت البريك مكنتش بتحب تقعد مع اصحابها عشان كل كلامهم كان يا أما نميمة او كلام تافه بتاخد كتابها وتقعد علي جنب تقراه.

 بس كان فيه حاجة جديدة النهاردة خلتها مبسوطة الولد اللي كان بقاله كذا مرة بيبص لها كده اتجرأ النهاردة وراح يكلمها متكلمش كتير سألها عن محاضرة الدكتور اللي كان لغاها هيعوضها امتي بس هي كانت فاهمة انه بيفتح اي حوار عشان يكلمها اول ما مشي حست باحساس غريب من جواها كده اول مرة تحس بيها.

صحيت من النومة الصغيرة اللي نامتها علي صوت الكمسري :" ابلة ابلة الاخر يا ابله"

لم أزل منصور ولم أهزم ( عن علاء عبدالفتاح)

كانت بداية تعرفي علي علاء مقالته اللي اتنشرت في الشروق " الحلم أولا" مش هنسي ابدا جملة كتبها في المقالة دي وفرقت معايا والي حد ما خرجتني من حالة اليأس اللي جاتلي بعد التنحي " تخلوا عن الخبراء واسمعوا الشعراء فنحن فى ثورة. دعوا العقل وتمسكوا بالحلم فنحن فى ثورة. احذروا الحذر واحتضنوا المجهول فنحن فى ثورة. احتفلوا بالشهداء، ففى وسط الأفكار والرموز والقصص والاستعراضات والأحلام لا شىء حقيقى إلا دمهم ولا شىء مضمونا إلا خلودهم. " 


اول مرة اشوف علاء شخصيا كانت في الاجتماع الاول لمبادرة تعالي نكتب دستورنا شفت حد متحمس جدا لفكرة مؤمن بيها حلم نفسه يوصله ان دستور بلده يكتبه كل مصري . 
بالصدفة يوميها باليل كانت حادثة البالون ولما قمت الصبح وشفت فيديو اعتداء كلاب الداخلية علي اهالي الشهدا شفت علاء في الفيديو في الصفوف الاولي بيرمي طوب علي كلاب الداخلية. 
وبعد كده كنت بتابع علاء علي تويتر كده لحد اعتصام 8 يوليو شفته كتير ايام الاعتصام مرة كان بياكل بطاطا روحت كلمته علي مبادرة تعالي نكتب دستورنا ووصلنا فيها لايه وكده ومرة تانية كنت بساله عن حاجة تقريبا كانت رأيه ان ممكن حد يتكلم باسم الاعتصام وكده وفاكر انه قالي ممكن بس يبقي ناس من اللي معتصمين فعلا هي اللي تتفاوض مش حد من الناس المشهورة هما اللي يتكلموا باسمنا .مرة تانية في تويت ندوة كان نظمها في الميدان وكان موجود فيها احمد سيف باباه ومني سيف وكنا قاعدين نألش عليه ونقول كوسه و بعد الندوة علي تويتر علاء قال ابويا ده برنس والله .
شفت حزن علاء الشديد علي تويتر ساعة احداث ماسبيرو والمقالة اللي كتبها بيوصف فيها احداث تواجده في مستشفي ماسبيرو وتأثره وهو بيتكلم عن استشهاد  مينا وتمنيه انه كان يموت زي الشباب اللي ماتو . 
بعد كده شفت علاء في المسيرة اللي اتحركت من مسجد الاستقامة يوم30/9      سلمت عليه والناس فضلت ماشية لحد ما وصلنا لقسم الدقي لقيت علاء متحمس قوي وهو بيهتف ضد الداخلية سألته بعد كده علي تويتر ليه الحماس ده كان قالي اصلي ليا ذكريات مع القسم ده واتحبست فيه قبل كده . 
بعد كده شفت علاء في المسيرة اللي طلعت من طلعت حرب عشان تطالب بالافراج عنه وعن كل اللي محبوسين عسكريا اكيد مشفنوش شخصيا عشان هو كان محبوس بس شفته في كل اللي كانو ماشيين في المسيرة شفته في الهتافات اللي كنا بنقولها " ياعلاء يا اخانا كيف العتمة في الزنزانة -يا علاء يا بطل سجنك بيحرر وطن " 
بحس ان علاء شبه المتنبي في حاجة بيقولو المتنبي اللي موته بيت شعر قاله برضه علاء كده علاء اللي خلاه محبوس دلوقتي موقفه ضد المحاكمات العسكرية للمدنين وسعيه الكامل انها تتلغي وهو كان من اول الناس اللي هاجمت المحاكمات دي . 
علاء , في اخر التدوينة دي عاوز اقولك لم تزل منصور لسه انت راجل لسه انت رافض انك تتفاوض مع العسكر 
علاء انت لسه ثورة 

سائلان

الوضع الآن اصبح مناسبا , اغلق باب غرفته وضع سي دي الفيلم الذي احضره له صديقه في مشغل الاقراص استلقي علي سريره وضع خلف ظهره وسادة ,غطي نفسه بغطاء خفيف, الان اصبح مستعدا لفعل ما اعتاد عليه بالرغم من سنه الذي تجاوز الثلاثين بعام ونصف يري في ذلك تنفيسا عن غضبه ومحاولة لنسيان كل ما مر به من احداث مريرة  , لم يكن تركيزه في الفيلم ولا مشاهده المثيرة كان تركيزه في مشاهد حياته التي تمر امامه.

هدوء مدينته الساحلية الذي يزعجه لانه يخلق له جو من التفكير , فيتذكر حياته التي تخلو من اي مشهد نجاح او تميز , مدينته ايضا التي تخلو من اي نسبة بطالة حيث معظم شبابها يعمل حتي اصحاب الشهادات الجامعية فيهم ان لم يجد عملا يعمل بالنجارة او تجارة الاخشاب ولا يجد في ذلك عيبا

شجاره مع والده بعد عامين من تخرجه في كلية الاداب شعبة اللغة الانجليزية حيث كان الوالد يعنفه ويلومه علي اهداره للعديد من فرص العمل والوظائف التي توسط له فيها ولكنه يرفض بحجة انها لا تناسب طموحه الذي لم يرسم له اي ملامح من الاصل وتأنيبه الدائم لابنه بتكاسله وعادة ما ينتهي الشجار بجملة " والله ماهتنفع في حياتك" فينفعل ويصرخ في وجه ابيه وتصل الي ان يسبه .

اليوم الذي عاد فيه اخاه الذي يصغر عنه ب5 سنوات وهو في قمة سعادته بعد اول يوم في عمله حيث التحق بوظيفة باحد الموانئ بعد شهرين فقط من تخرجه .

العام الذي قضاه في امارة الشارقة باحدي الوظائف وعدم استمرارة في هذا العمل نظرا لظروف الغربة وعدم قدرته علي تحمل المسئولية الصفة التي كان لا يحب ان يذكر بها نفسه وايضا بسبب الراتب الغير مشجع لتحمل كل هذة المتاعب.

نظرة والدته له والتي يري فيها اعتذارا منها بسبب تدليلها له كل هذة السنين وتشجيعها له في كل قراراته الخاطئة وان كانا لا يصرحان بذلك ولكنهم يدركا حقيقة الامر.

اليوم الذي افترق فيه عن حبيبته والتي كانت زميلته في الجامعة والتي كانت تسبقه بعام دراسي لكنها رسبت عام لكي يصبحا في نفس السنة الدراسية تركته لانه بلا طموح ولنها قدمت تضحيات كثير من اجله ولكن بلا جدوي .

عدم حضوره لزفاف اخيه الاخر بحجة انه مسافر للقاهرة لعمل مقابلة للالتحاق باحد الوظائف .

اصبحت نجاحات الاخرين والمقربين منه تسبب له ألماً , يتجنب حضور اي مناسبات عائلية لا يريد ان يري في وجه اي شخص نظرة شفقة او عطف او تأنيب كان يفضل ان يجلس وحيد ا في غرفته الكئيبة بحوائطها ذات اللون البرتقالي الداكن ومعلق علي احد حوائطها لوحة بها اول 4 ايات من سورة الرحمن والتلفاز الاسود المكسور من جانبه الايسر والاطار الزجاجي الذي يحمل صورته هو وحبيبته السابقة وعدد من الولاعات التي نفذ الغاز منها .

تقترب اللحظة التي ينتظرها حيث يقترب سائله المنوي من الخروج ,السرير يهتز بشكل متقطع تملأه مشاعر الاثارة والغضب وبالفعل يخرج كامل الغضب الذي بداخله وان ظل ألمه ساكن به ويخرج سائل اخر ولكن من الجانب العلوي في جسده .

يمسك بالهاتف يكلم صديقه ويشكره علي الفيلم ويعده صديقه بافلام اخري جديدة 

الطيبين

ناس بتشوفهم بصفة مستمرة او متقطعة غالبا مبتحسش بوجودهم حواليك وميفرقش معاك تشوفهم ولا لأ ,ملهمش اي تأثير في حياتك ولا انت بتفيدهم ولا هم بيفيدوك .
عم صابر الراجل الاسمر اللي طول اليوم قاعد علي الدكة اللي قدام بيتهم اعتقد انه خايف يموت في شقته ومحدش يحس بيه عشان محدش بيسأل عنه , كل يوم سواء ايام ما كنت بتروح المدرسة ودلوقتي وانت بتروح الجامعة بتعدي عليه في طريقك الصبح بيسلم عليك وبيسألك عن باباك اللي بقاله 3 سنين مشفوش وانت تقوله هابقي اسلملك عليه وتنسي.
الراجل اللي بيشوف عداد الغاز واللي دايما بيجي في وقت محدش بيبقي موجود في البيت  واللي بيعدي عليك كل شهر من ايام ما كنت لسه في ثانوية عامة واللي اتبسط لما عرف انك دخلت الكلية اللي انت عاوزها ويقولك شد حيلك.
صاحب باباك اللي كنت  بتشوفه لما كان باباك بياخدك تصلي في المسجد وتلاقيه بيبوس ايدك ويديك سواك هدية .
الراجل بتاع الجرايد اللي بيشيلك نسخة جورنال الجمهورية بتاعت المراجعة في ثانوية عامة وبيدعيلك بالتوفيق لما بيدهالك ويقولك متنساش الحلاوة لما تنجح وتنساها .
عم قرني اللي بيقف في كافتريا الجامعة ويوم ما قعد يحكيلك عن ذكرياته مع  دكتور الميكانيكا اللي مات من اسبوع .
عم سعيد العطار اللي لحد دلوقتي بيناديني باسم ابن خالي حسن وفاكرني هو .
عم هشام صاحب المطبعة اللي عمري ما صورت عنده ورقة واللي كنت بكسرله القلل اللي كان بيحطها قدام المحل ايام ما كنت بلعب كورة واللي من ساعة مادخلت الكلية وهو بيقولي يا باشمهندس محمد .
الشاب اللي واقف في السايبر اللي كنت بطبع عنده بيان التغير ولما قالي علي فكرة انا معاكو ومرضاش ياخد مني فلوس الطبع .
موجه العربي اللي قابلته ايام الاعتصام في الميدان واقنعته انه يبطل سجاير .
الراجل اللي واقف في المطعم وااللي بجيب منه فول من 11 سنة تقريبا ولسه معرفش اسمه واللي بيسالني عن كل الاحداث السياسية اللي بتحصل في البلد وخناقاتي معاه علي ان البرادعي ينفع رئيس ولا لأ .


تختلف طبيعة كل شخص فينا , شكل حياته , مكان معيشته ,دراسته , طبيعة شغله ,لكن يمكن احد القواسم المشتركة بينا هم الناس دي
باختلاف اساميهم واشكالهم وطبيعتهم, الناس اللي مش عاوزة منك حاجة واللي ممكن متحسش بوجودهم حواليك اصلا لكن بتفضل فاكرهم وتزعل لو حد منهم مبقاش موجود 

مينا دانيال في حضرة بلال

حالة من الخشوع تنتاب هذا المكان الذي لا يعلم احد ماهيته ,رائحة البخور العطرة تنبعث من اركان المكان ,الوضع يبدو انه مهيأ لاستقبال شخص ذو مكانة رفيعة ,المكانة الرفيعة في هذا المكان ليست لذوي المناصب او النسب الرفيع بل فقط للانبياء والشهداء والمخلدون في ذاكرة الأوطان .
اعرف ذلك الشخص الذي يتقدم لاستقبال المبعوث الجديد لهذا المكان المقدس كلاهما مات بسبب بطش الجلادين كلاهما استشهد نتيجة جبروت نظام.
ذلك المستقبل هو سيد بلال السلفي صاحب الوحه البشوش  الذي تعذب علي ايدي رجال الشرطة لاجباره علي الاعتراف بجريمة ارتكبها هذا الجهاز نفسه وهي ان يكون تسبب في تفجيرات كنيسة القديسين , لم يعلموا ان هذا الرجل تحديدا لا يستطيع ان يقوم بذلك الجرم لان تدينه هذا يمنعه من ذلك.
تأتي اللحظة التي تهيأ المكان لأجلها يصل الضيف الكريم يستقبله بلال بكل الترحاب استمع بعض كلمات ذلك الترنيم المسيحي الذي يمدح في العذراء مريم  : 
" امنا يا عدرا 
 العذراء م ر ي م , السلام لك يا شفيعه 
 يا مريم البكر,  مجد مريم 
 فى ظل حمايتك,  حبك يا مريم 
 يا من عطيتى , ذكصولوجيه عظمتك 
سلامنا اليك,  ثيؤطوكيه اكليل فخرنا 
هيتين موسيقى,  رشو الورد 
 انت الشفيع -زى النار 
 يلا اظهرى  طوباك يا مريم,  يا ملكة بارة نقيه 
,العدرا معانا ثيؤطوكيه مباركة
  ,انت منارة الاقداس  العدرا الحبيبه " 


وتختلط معه كلمات ذلك التوشيح الصوفي : 

"الهى لا تعذبنى فإنى


مقر بالذى قد كام منى


ومالى حيلة إلا رجائى لعفوك فاخطط الأوزار عنى


وكم من ذلة لى فى الخطايا وأنت على ذو فضل ومن


إذا فكرت فى ندمى عليها عضضت اناملى وقرعت سنى


يظن الناس بى خيرا وإنى لشر الناس إن لم تعف عنى"

في هذة الاجواء الروحانية يحتضن كل منهما الاخراتخيل حوار بين بلال ومينا  يخبره فيه:  بأنه كان يود ان يشاركه التواجد في ميدان التحرير خلال ال18يوم ولكن منعه القدر من ذلك ولكنه كان يتابعه وتألم لكسراتهم وسعد بانتصارتهم وحزن من تفرقهم , يخبره بانه كان سيتواجد معهم في تلك التظاهرة التي اودت بحياة مينا والتي كانت أمام ماسبيرو كان سيطالب بحقوق الاقباط مع مينا ومع حقهم في الا يتعرضوا للاضطهاد ولكن نال سيد شرف السبق في التضحية من اجل حريته هو ووطنه  .
يخبره مينا: سيتحقق الانتصار لابد من ثمن للحرية وما اعظم ان تكون الشهادة هي ذلك الثمن ستنتصر  قوانين الطبيعة ستحقق نهاية افلامنا ورواياتنا الكلاسكية بأن ينتصر الحق في النهاية, سينتصر من يملك الارادة والعزيمة لمواصلة ما ابتدأه من حلم, سننتصر لأن الله كان معنا وسيظل معنا ,الذي جعلنا نثبت امام الموت المؤكد  وان نري زملائنا يموتون ولانخشي ذلك بل نتمناه, يجعلنا هذا نثبت أمام اي مصيبة نبتلي بها  ,سننتصر لانه مهما تضلل الناس وغابوا عن الحقيقة سيصلون اليها , سننتصر لاننا نملك الحق . 

ثم توقف عقلي عن تخيل ما قد يكون قد دار بينهما . 

عبدالرحمن منصور.. مفجر ثورة 25 يناير الذى لا يعرفه أحد

الاهرام 27-2-2011 



فى أثناء حلقة برنامج العاشرة مساء الذى تقدمه الإعلامية منى الشاذلى فى 21 من فبراير الجاري تلقى البرنامج مداخلة من الدكتور شادى حرب عضو ائتلاف ثورة يناير أعلن من خلالها عن هوية المسئول "الأدمن" الآخر فى صفحة كلنا خالد سعيدالذى اقترح أن يكون 25 يناير يوما للثورة المصريةويدعى "عبدالرحمن منصور".و أنه هو الذى اقترح ودعى ليوم 25 يناير ليكون يوما للثورة المصرية ، وأن الناشط وائل غنيم كان المسئول التقنى فى الصفحة.
وذكر حرب أن ائتلاف الثورة كان حريصا على إخفاء هوية واسم منصور لحساسية موقفه لكونه يقضي الآن خدمته العسكرية كمجند فى القوات المسلحة بداية من يوم 17 من يناير الماضي مناشدا أعضاء المجلس عدم اتخاذ أى إجراء من شأنه الضرر به ، وأكد أعضاء المجلس أنه لن يتم اتخاذ أى إجراء ضد منصور لأن ما فعله هو لمصلحة الوطن .
وقد شكل هذا التصريح مفاجأة بالنسبة للكثيرين ممن عرفوا منصور كمدون وناشط فلم يكن يتوقع أحد أن يكون منصور ثائرا إلى هذا الحد ، وعبدالرحمن منصور (24 عاما) تخرج من كلية الأداب بجامعة المنصورة قسم الإعلام والصحافة عام 2010 ،وكان قد بدأ نشاطه التدوينى عام 2005 فى عدة مدونات أهمها مدونة مراسل الأرض .
و عمل مراسلا لموقع الجزيرة توك الشبابي ، ومترجما لدى موقع أصوات عالمية وخلال سنوات دراسته الجامعية شارك فى العديد من الفعاليات السياسية والأنشطة الشبابية فى مجالى الإعلام والتنمية ، وكتب لموقع قناة العربية (باللغة الانجليزية) و موقع مشروع المجتمع المدنى المصرى بالجامعة الأمريكية .
كما ساهم فى المبادرة السنوية (كلنا ليلي) وهى مبادرة حقوقية تعنى بالمرأة المصرية والعربية بالإضافة لاهتمامه بقضايا الشباب فى مصر والتحول الديمقراطى والإعلام الجديد وتنمية القيادات المجتمعية ،
وقد شارك منصور فى تغطية العديد من الفعاليات السياسية فى مصر مثل الإنتخابات البرلمانية عام 2005 ، و انتخابات المحليات فى عام 2008 حيث تم اعتقاله ، ثم إخلاء سبيله من قبل مباحث أمن الدولة بمركز أجا وكان عمره وقتها 21 عاما .
وعن علاقة منصور بصفحة كلنا خالد سعيد، كشف صديقه المدون و الناشط عبدالرحمن عياش أن وائل غنيم ومنصور قد تعارفا خلال عمل الأخير كمراسل للجزيرة توك وتقاربا أكثر بعد عودة الدكتور محمد البرادعى للقاهرة ولموهبة منصور وتقارب أفكار الشابين عملا معا فى إدارة صفحة كلنا خالد سعيد بعد إنشائها بحوالى 3 أيام وخلال الشهور التالية استطاع وائل بقدراته الإبداعية الرائعة، وعبدالرحمن بعقليته السياسية المتميزة، أن يجعلا من صفحة خالد سعيد ما وصفه عياش بالحزب السياسي الوحيد المؤثر في مصر .
مشيرا إلى أن اقتراح منصور ليوم 25 يناير كيوم لإعلان الثورة قوبل فى البداية بمعارضة ورفض من غنيم بسبب اعتقاده بأن يوم عيد الشرطة يوم عمل عادى بالنسبة للموظفين فى مصر إلا أنه وافق بعد تأكيد منصور له على أن يوم 25 يناير عطلة رسمية .
كما صرح عياش بأنه قبل 25 يناير كانت هناك مساعدات حقيقية حصل عليها مسئولو صفحة خالد سعيد، من العديد من الناشطين و الجهات، والمحامين في مركز النديم على سبيل المثال، الناشط أحمد صالح، والناشطة نادين وهاب، الناشطة سالي سامي..كلهم من المسئولين و بجدارة عن نجاح صفحة خالد سعيد في أداء عملها و نجاح الثورة المصرية بالتبعية.
وبعد أن تمت الدعوة ليوم الثورة في 25 يناير، استدعى الجيش عبد الرحمن منصور في 17 يناير لتأدية الخدمة العسكرية، و هو ما جعله غائبا عن المشهد في مصر طوال هذه الفترة، و هو ما دفع وائل و بقية المسئولين عن الصفحة لإخفاء عبدالرحمن عن المشهد خشية تعرضه لأي أذى بحكم علاقته المؤقتة بالمؤسسة العسكرية في مصر.
ويقول عياش أن عبد الرحمن منصور ووائل غنيم اتفقا من البداية على عدم الإعلان عن اسميهما إطلاقا، إلا أن اعتقال وائل و اختفاءه أجبر بعض النشطاء على الإعلان عنه خشية على حياته ، أيضا لا يمكن تجاهل أن الرغبة الحقيقية عند وائل و عبدالرحمن و كل المشاركين في صفحة خالد سعيد، في العمل من أجل مصر، دفعتهم لإخفاء أسمائهم ، و لم تجعل أحد منهم يعلن عن اسمه في أي مناسبة، رغم أنه كانت هناك محاولات صحفية عديدة، للتعامل مع مسئولي صفحة خالد سعيد، من ضمنها حوار موقع مصراوي الذي تم مع عبدالرحمن منصور بدون الإعلان عن اسمه.
وأضاف عياش أن عبدالرحمن منصور كانت له العديد من الأنشطة الأخرى التي ظهرت فيها رغبته في عدم الظهور، و اعتماده الكامل على العمل الجماعي المنظم، فمنصور هو أحد مؤسسي مبادرة ويكيليكس العربية، مع الناشط أحمد صالح، و الناشطة يمنى الختام..
وفى السياق نفسه صرح موقع "الجزيرة توك" أنه قد تلقى تأكيدا من الناشطين والمدونين أحمد صالح و عمرو مجدى حول الدور الرئيسي الذى لعبه منصور فى إدارة صفحة كلنا خالد سعيد وعلى كونه صاحب الدعوة لمظاهرات 25 يناير قبل أن ينقطع عن النشاط لذهابه للجيش، وأنه كان المحرك الأساسي للصفحة مع الناشط وائل غنيم الذي ألقي القبض عليه لعدة أيام أثناء الثورة.
وكان الناشط أحمد صالح والناشط نبيل عبد الوهاب قد قدموا عوناً للصفحة أثناء تغيب كلٌ من عبد الرحمن منصور في الخدمة العسكرية، ووائل غنيم في المعتقل.
وفور الكشف عن هوية منصور فى حلقة العاشرة مساء قام مجموعة من أصدقائه بتدشين صفحة له على الفيس بوك تقديرا لدوره فى الثورة تحت عنوان "عبدالرحمن منصور الأدمن رقم واحد فى كلنا خالد سعيد" كما أسس آخرون صفحة أخرى حملت اسم عبدالرحمن منصور و ثالثة باسم "كلنا عبدالرحمن منصور" ، كما تم تأسيس صفحة تطالب القوات المسلحة بعدم التعرض لعبد الرحمن منصور مؤسس كلنا خالد سعيد .
منصور المجند فى الجيش كان من المتوقع أن يحصل أمس السبت على اجازة لمدة 48 لزيارة أهله كما أشار أصدقاؤه إلا أنهم أصبحوا غير متأكدين بعد الكشف عن هويته.

نضارة

غادر صديقي زياد محطة المترو في طريقه الي اتجاه المرج واتجهت انا الي اتجاه الجيزة كي اصل الي محطتي ومنطقتي فيصل الباسلة , دخلت عربة المترو بدأت افكر في قراري الذي اتخذته من اسبوع او قبل ذلك بقليل ,كنت قد قررت ان اتوقف عن محاولاتي التقرب منها  احاول عزل نفسي عن كل ما قد يذكرني بها ,ابتعد عن الاماكن التي تتواجد بها, لا اسأل عن اخبارها , لا اهتم اذا كانت قامت بتغير صورتها الافتراضية , أعلم انني لو ذُكرت بأي تفصيلة ولو صغيرة عنها سوف اعاود التفكير فيها .

لم يكن قراري هذا نتيجة موقف ما او خلاف حدث لكني شعرت ان الظروف لن تسمح لهذة العلاقة – لا ليست علاقة – لهذة الصداقة –ايضا لم تصل الي مرحلة الصداقة اطلاقا- من الممكن ان نقول معرفة وان لم تكتمل اركانها لتصل الي مرحلة المعرفة  لنقول عنها حالة , لم تشأ الظروف لهذة الحالة ان تكتمل ليست الظروف وحدها ولكن ايضا طبيعة شخصيتنا لم تسمح بذلك . لا يوجد اي مجال مشترك نتحدث فيه سويا ,لا اصدقاء مشتركون وايضا مجال دراستنا مختلف . كنت قد قمت بمحاولات سابقة للتقرب منها والتي تعتبر فاشلة وايضا لم افهم ردود افعالها او شعورها تجاهي .

يحدث ما كنت اتوقعه , كنت اتحدث مع صديقي واخبرته عن قراري هذا الذي قد اتخذته فاخبرني بجديدها .ليتسبب ذلك في هذة الحالة التي تنتابني الآن والتي لا اعرف ماهيتها غضب ,حنين ,حيرة عدم اهتمام او بالأدق تصنع بعدم الاهتمام ,

قال لي صديقي  : لقد اصبحت ترتدي نظارة طبية .

منور

دخل اوضته طفي النور نام علي السرير اللي تحت شباك الاوضة اللي بيطل علي المنور, اتكلفت بالبطانية, الاوضة ضالمة ماعدا نور شمس العصر اللي داخل من الشباك ,قاعد بيهز دماغه ويدمع ,كالعادة خناقة بين مامته وباباه وكالعادة بيعلو صوتهم وبيحاول هو يقفل كل الشبابيك اللي في البيت عشان الصوت ميطلعش والجيران تسمع وهو يبقي محرج منهم ومكسوف .
كتير لما كان بيروح مدرسته علي السلم بيقابل حد من جيرانه فيقوله ايه الزعيق اللي حصل امبارح ده وايه اللي حصل بيفضل متنكد طول اليوم ده في المدرسة وبيرجع يعمل نفس اللي بيعمله دلوقتي يدخل الاوضة يقفل النور وهكذا .
بيقرب من شباك الاوضة عشان يتأكد ان مفيش صوت طالع بيسمع الصوت اللي طالع من الشقة اللي فوقيه ,صوت زعيق مامته وباباه بيختفي بيرتاح شوية ,النغزة اللي بتجيله تحت صدره بتروح بيسمع صوت جاره اللي فوقيه وزميله في المدرسة بيتكلم مع باباه بصوت عالي عن مين كان احسن في ماتش امبارح وبيسمع برضه صوت ام زميله وهي بتذاكر لأخته وبعدين لما بتقولهم يالا معاد الغدا جه وبيختفي صوتهم لانهم سابو الاوضة دي .
بترجع النغزة اللي تحت صدره تاني مامته وباباه رجعوا يزعقوا تاني 

شهادة المشير كما نقلها محمد الجارحي

شهادة المشير طنطاوى فى قضية  المخلوع مبارك كما نقلها الصحفى محمد الجارحى على حسابة بتويتر 

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس ؟

س3: ما الذي أبداه رئيس الجمهورية في هذه اللقاءءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها  كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة، القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد 

القوات المسلحة  اللي هي نزول القوات المسلحة لتأمين المنشآت الحيوية وهذا ما حدث

س 4 هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين بما فيها استخدام الاسلحة الخرطوش والنارية من 25 يناير حتي 28 يناير ؟؟

ج4 : ليس لدي معلومات عن هذا واعتقد ان هذا لم يحدث

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟ 

ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟ 

ج9 : إنا معرفش ايه اللي حصل

س10 : هل تستطيع سيادتك تحديد هل كانت هناك عناصر أخري تدخلت ؟ 

ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟ 

ج11 : ممكن تكون عناصر خارجة عن القانون

س12 : هل ورد لمعلومات سيادتك ان هناك عناصر اجنبية قد تدخلت ؟ 

ج12 : ليس لدي معلومات مؤكدة ولكن ده احتمال موجود

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

 ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر 

      . مصيرية لازم يناقشه

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين 

الصادر منه شخصيا

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟ ج17: يسأل في ذلك مساعديه الذين ابلغوه هل هو علي علم أم لا

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟

ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟

ج19 : هذه مسئولية جهات التحقيق

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة ؟التظاهرات دون العرض علي رئيس الجمهورية ؟ 

ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه - يتبع

ج٢٠-2 : ولكن التظاهر وفضه هي خطة وتدريب موجود في وزارة الداخلية

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة - يتبع
س٢١-2 : وذلك من منظور ما وصل لعلم سيادتك ؟ ج 21 : معنديش علم بذلك
س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس -يتبع
س22-2 : سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟
ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها
س23-2 : بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟
ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش
س24 : هل هناك اصابات أو وفيات لضباط الجيش ؟ ج 24 : نعم هناك شهداء
س25 : هل تعاون وزير الداخلية مع القوات المسلحة لتأمين المظاهرات ؟ ج 25 : لأ
س26 : هل أبلغت بفقد ذخائر خاصة بالقوات المسلحة؟ ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة
س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟
ج27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات
س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟ ج28: لا ..لم يتم القاء القبض على أى أحد
س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟ ج29 : لم يحدث
س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟
ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

يا ثوار يا ثوار ...ريسنا الجاي من ابيار

هو كان يوم طويل بالنسبة لي مكنش 24 ساعة كان 40 ساعة من قبلها بيوم بننظم ازاي هنظبط الزيارة وكده الناس اللي رايحة البرنامج هناك ازاي كده يعني, ركبنا الاتوبيس الصبح وصلنا الساعة 11 البلد قرية هادية وجميلة زي باقي قري مصر اللي اكتر حاجة بتميزها مفيهاش تفاصيل كتير ابهجنا اوي اليفط اللي كانت متعلقة "ابيار ترحب بمحمد البرادعي " نزلنا وقررنا نروح الجامع عشان نصلي ونستقبل الدكتور واحنا ماشين في البلد دي كانت من اجمل اللحظات بنسلم علي الناس والناس بتحيينا واحد حلاق عدينا عليه قالنا " حملة دكتور البرادعي منورانا في البلد والله ده حبيبنا " :) الجو كان جميل كده ومشجع وصلنا المسجد شوية والدكتور جه قعد والجميل اول ما قعد واحد سلفي جه سلم عليه وحضنه وباسه جامد منظر ريحني اوي :) الناس قامت تصوره وكده كان في شوية هرجلة في المسجد بس حطلها حد صوت الاذان لما اترفع .
الامام ابتدي الخطبة موضوعها كان الامانة وان الامانة مش بتبقي فلوس بس الامانة ممكن تكون كلمة تصرف مسئولية خلصت الخطبة كان في ناس من اهل القرية متضايقين شوية مش من الدكتور بس من ان الجامع اتزحم قوي الامام حيا الدكتور بعض الصلاة الدكتور قام قال كلمتين بالعدد وحيي الخطيب علي الخطبة وقال ان الامانة فعلا لازم تبقي منهجنا  انه بيحيي اهل قريته وبيتمني ان تتحقق مبادئ الاسلام العدالة والحرية والكرامة .
وانطلقنا نمشي في البلد مع الدكتور منظر رهيب عدد الناس مش متوقع البلد كلها نزلت " قولها كويس قولها كويس -البرادعي هو الريس " تكفلت انا بالهتاف القديم شد القلوع" ويا ثوار يا ثوار ريسنا الجاي من ابيار "- البرادعي من مسقط راسه هيكون للشعب امنه وخلاصه " ''ثورة ثورة لحد النصر .. البرادعي رئيس لمصر'' الناس متجمعين حوالين الدكتور فرحانين بيه حد طلع فوق عمارة رمي بونبوني :) اليفط اللي كانت متعلقة .
الدكتور ركب العربية وطلع علي احدي بيوت اهل القرية قعد واتكلم مع الناس في القرية واهالي بلده وبعدين رجع القاهرة
يمكن اكتر حاجة عجبتني النهاردة غير الغدا اللي اتغديناه طبعا ان في حاجة حصلت النهاردة ان الدكتور موجود وشعبيته اهي ومش خايف ينزل وان الناس كلها مستنية نزوله واولهم بقية المرشحين وناس كتير كانت عشمانة ان النهاردة ميعديش علي خير بس عديت الحمد لله وعلي اروع خير

سنة أولي سياسة....عابدين

21 سبتمبر 2010 اول مظاهرة انزلها في حياتي النهاردة يبقي سنة اولي سياسة ليا مش عارف نجحت ولا لأ بس اللي متأكد منه اني مش هاعيد سنة اولي تاني وهعدي السنة دي ان شاء الله .... كان متنظم وقفة قدام قصر عابدين بنفس تاريخ وقوف عرابي قدام الخديو توفيق لما قاله لن نورث بعد اليوم كان كل الناس متعبية من جمال مبارك وتعامل مبارك مع البلد انها عزبة ابوه وانه هيورثها لابنه وده كان واضح قوي لما خده معاه سفرية أمريكا كأنه بيتحدي الشعب كله.
اتفقت انا وزميلة النضال مني اننا نتقابل في كليتي كلية هندسة وكنا يوميها اول مرة نشوف بعض كنا دايما بنتكلم علي النت وقابلنا صديقي التالت اسلام واتكلنا علي الله ركبنا المترو نزلنا محطة محمد نجيب وما شاء الله مع انها اول مرة مظاهرة ليا بس عرفت المخبرين اللي كانو في محطة المترو منظرهم زي الافلام القديمة بالظبط متغيرش.


وصلنا ميدان عابدين قعدنا نلف كتير عشان كانو قافلين كل المداخل قدام القصر اتعرفت علي شباب من 6 ابريل ولكن المعرفة الاكتر كانت مع صديقي اسلام اللي فضلنا لافين ساعتين مع بعض عشان نوصل اتكلمنا في كل حاجة عشان التوتر اللي كنا فيه لدرجة اني حكيتله علي البنت اللي مش عارف اكلمها في الكلية :) ...الكوميدي انه بعد التنحي سالني اسلام عملت ايه معاها قلتله ولا حاجة قاللي يخرب بيتك ده مصر عملت ثورة في الفترة دي :))
اتفرقنا انا واسلام عن الناس اللي كنا ماشيين معاهم يوميها فضلنا نمشي لغاية ما لقينا ناس قليلة متكردنة دخلنا معاهم كان كل تاريخي بالهتاف اصلا هتاف من التالتة شمال لما كنت ببقي مع التراس في الاستاد بس المرة دي الهتاف كان من نوع تاني بتشتم نظام بتقول رأيك بتكسر خوفك بتشتم رئيس قدام قصره رمزيا ياعني هو مكنش جوه اصلا " هو مبارك عاوز ايه عاوز الشعب يبوس رجليه لا يا مبارك مش ههنبوس بكرة عليك بالجزمة ندوس" نيجي علي بالجزمة ندوس تلاقي الغل كله طلع وهتفنا برضه لن نورث بعد اليوم وبرضه " واخد ابنه معاه امريكا توريث فوري بالبولتيكا رايح بيجيبله التوكيل من امريكا واسرائيل " كنا قليلين مش مؤثرين الناس بتعدي في الشارع تتفرج علينا منظر قد يدعو للاحباط لكنه عمره ما وصلنا كنا.
 كل مدة كده نتعب نقوم نوقف هتاف وحد يطلع يقول شعر زي شعبي حبيبي لفؤاد نجم وجحا للجخ بنحاول ننادي للناس يجيو معانا شكلهم كان متعاطف معانا بس كانو لسه بيخافو سمعنا ان محمد عبد القدوس اتضرب وجميلة اسماعيل اتحفظوا عليها ومش عارف مين اعتقل مين افرج عنه حالة غريبة توتر وخوف انك تتمسك وفخر انك بتقول رأيك وحزن علي حالة البلد .

المهم قررنا اننا نمشي الامن فك الكردون كل واحد مشي في طريقه رجعت البيت يوميها كاني مثلا كنت لسه راجع من ميعاد غرامي حالة ارتياح غريبة حاسس بيها حالة فخر ...حسيت اني اقدر اعمل اي حاجة في الدنيا الا اني اكلم البنت اللي معجب بيها :) 

زيتي

كانت في اجمل صورة النهاردة لابسة الطقم اللي هو  بيحبه عليها الجاكت البني وتحتيه بلوزه البيج والطرحة الزيتي كان يوم الامتحان اللي قبل اخر امتحان يعني قبل اخر يوم هيشوفها فيه لحد بداية الترم التاني.
 اتضايق شوية عشان كانت بتكلم زميلها لمدة دقيقتنين تقريبا كان بيسألها عن حاجة في الامتحان.
 كالعادة معرفش يكلمها عشان دايما واقفة مع صحابتها كان بيكتفي بالنظرات اللي بيحاصرها بيها لحد ما هي تبصله يقوم مودي وشه الناحية التانية وفي مرة من البصات دي اتجرأو هما الاتنين ومدوروش وشهم بس فضلوا باصين لبعض ثواني ومتكلموش ولا حتي سلموا من بعيد .
الدنيا مطرت الناس كانت دخلت مبني المحاضرات عشان تحتمي من المطرة لكن هو وصحابه فضلوا مستمتعين باللحظة دي  وبرضه هي وصحابتها كان شايفها وهي بيتضحك معاهم وجسمها بيرتعش لما المية بتيجي علي حجابها وهي بتنفخ في ايديها , المطرة اشتتدت جريت هي وصحابها تحت سقف مبني,  انشغل شوية بكلامه مع صاحبه وفجأة مشفهاش قدامة تقريبا روحت 

د.البرادعي : وقت الخطر ما كنت أجبنهم

انا كنت محتاج اكتب في الموضوع ده بالذات دلوقتي لأني متلخبط زي كتير من مؤيدي الدكتور. 
"هو البرادعي ليه مبينزلش الشارع زي بقيت المرشحين هو خايف يتضرب ولا ايه"
  الجملة دي بتستفزني اوي من ناس كتير مش عشان كلامهم غلط بس باتنرفز عشان غيرتي علي الدكتور خايف يخسر الشارع اللي هو اصلا واخد فكرة غلط عن الدكتور تماما,اما جملة خايف يتضرب دي هي اللي بتنرفزني لانه بيجي في دماغي علي طول اول ما الدكتور رجع مصر والاستقبال الاسطوري اللي استقبلناه بيه في المطار والهتاف الجميل اللي كنا بنهتفه "شد القلوع يابرادعي ...مفيش رجوع يابرادعي " ولمة الناس عالعربية وكانوا عاوزين يشيلوا العربية الامل اللي اتجسد في شخصه ولما راح الكنيسة يوم عيد القيامة والناس سقفت جامد لما البابا ذكر اسمه وزيارته للحسين والناس وهي بتسلم عليه وتبوسه وتقوله ربنا معاك وفي المنصورة لما راح وكان حواليه في الشارع 3الاف واحد بيقولوا يا بلدنا يا منصورة البرادعي بقي في الصورة ويوم وقفة خالد سعيد ولما راح الفيوم ومغاغة وغيره وغيره... طب ايه اللي حصل بقي ؟ 
اتعرض الدكتور لحملة تشوية كلنا شفناها خلال الثورة ضربت شعبيته في مقتل وبالرغم من كده اعتقد ان برضه ده مخلاش الناس تضرب الدكتور في المقطم وقت الاستفتاءبالطوب وكسر الحجارة  لانهم مكنوش اهالي المنطقة كانوا بلطجية بشهادة امام مسجد المقطم واتضرب الدكتور قبل كده بس كان ضرب يتمناه اي حد لما نزل يوم 28 يناير معانا في مسجد الاستقامة في الجيزة واتضرب بقنابل الغاز ورشاشات المية في سنه الكبير ده وغيره من اللي بيتكلموا باسم الثورة دلوقتي ومرشحيين للرئاسة كانوا بيفطروا قبل ما ينزلوا يصلوا الجمعة.
 الدكتور اكيد حس باهانة عارفين ياعني ايه راجل عنده 68 سنة وفي مكانة د.البرادعي بدل ما يتكرم في بلده يتضرب منتهي الاحساس بالاهانة والحزن يمكن الكل شافه في لقائه مع مني الشاذلي لما عرضت لقطات يوم جمعة الغضب وقالعا ودموعه بتقترب من النزول انه اول حاصل علي جايزة نوبل يتضرب بالطوب ويترش بالمية ولما قالها بكل تاثر مش هنضرب تاني يا مني بالرغم من الابتسامة الهادئة اللي دايما علي وشه الا انها بتخفي كمية من الحزن يمكن انا اللي حاسسها بس مش عارف.
 يمكن بحس بحيويته بس في لقائتنا معاه لما بيشوفنا حواليه الشباب اللي هو غير فكره وخلاه يساهم في تغير بلده واللي استحملوا عشانه الاهانة وامن الدولة والتعذيب .
وبحط نفسي مكانه برضه انا لو اتقال عليا او علي بنتي الكلام ده مش انا اي حد يعني اكيد كان هيقول ملعون البلد علي اللي فيها برضه شفت الحزن ده لما عمروالليثي سأله شعورك ايه بعد الكلام اللي اتقال علي بنتك وهو بتاثر رد حزنت طبعا انا اب واتاثرت خصوصا انها تعبت جدا بعض الاشاعات دي .
الدكتور مرجعش ليه وضربها صرمة وقال عملت اللي عليا لانه لسه الثورة مكملتش لسه حلم التغير محصلش ثباته وإيمانه هو اللي خلوه يفضل متحمل كل ده لانه وقت الخطرالحقيقي ما كنت اجبنّا  يا دكتور .
رسالة ليك يا دكتور افهم تخوفك من النزول للشارع ومش هاخفي تخوفي انا برضه ان حد حثالة يهينك بس انا غيران وعاوز تنزل واحنا معاك زي ما كنا قبل كده هنظبتها ومحدش هيتعرض لك والناس هيوصلها فكرك وحلمك للتغير ...مفيش رجوع يابرادعي   

حاجات بتجيب بحاجات

- الفيلم الحمد لله مخلصش بموت البطل بس برضه البطل مش هيبوس البطلة في الاخر .


- الغياب احسن بمراحل من التجاهل. 


- خجلي وخجلك واتفرقوا الخجلانين. 


- متفكرش الناس شايفاك ازاي لان احتمال كبير ميكنوش شايفينك اصلا. 


- خليك زي ما انت متتصنعش حاجه محدش هيفرق معاه تصنعك. 


- متقنعش نفسك وانت بتعمل الغلط انك مش بتعمله متعملش زي اللي بيمارس الصلاة طقوس بس ومقتنع انه بيصلي .


- لما بتسمع كويس ده بيدي اللي قدامك احترام هو محتاجه عشان تكملوا الحوار .


- قول للاعور انت اعور في عينه وصفيها له كمان. 


- لا تتمادي في السكات ولا تستني امر من مكتب ارشاد. 


- لو شعور جواك لاقيته بيمشيك خليك معاه مش كل مرة النفس بتبقي امارة بالسوء. 


- انك تحاول تغير قدرك او اللي مكتوب لك هو ده قدرك واللي مكتوب . 


- ليه لما بتكلمني بتقولي انتو انا اللي بكلمك محدش معايا. 


- زي اي حد متخبط في الاراء رأيي ممكن يحتمل الصح وممكن يحتمل الصواب.


- الراجل اللي بتعدي عليه وانت رايح شغلك كل يوم واظب انك ترمي السلام عليه هو مش هيفرق معاه ولا معاك بس هو بيستني ده وانت بتتشوق انك تسلم عليه برضه .


- الغضب اللي جوا الواحد مينفعش نكتمه جوانا, نريح نفسنا ونروح ماتش الاهلي ونشجع من التالتة شمال .




- مبحبش اشوف فيلم في شقة مصر الجديدة لانه بيفكرني بيها اوي. 




- شفتها وشافتك وانت عاوز تكلمها وهي برده قوم كل واحد فيكو ماشي وسايب التاني .

نعمة الرحمن علي المستضعفين...(عن 25 يناير)

ليلة 25 ينايرقاعد علي الانترنت شفت الصورة اللي فيها الاماكن اللي هنتجمع فيها دوران شبرا وامبابة وشارع جامعة الدول والجامعة انا كنت مقرر هاروح جامعة الدول كلمت مني زميلة النضال اسألها هنتقابل ازاي بالظبط قالتلي بلاش تليفون هبعتلك رسالة الصبح ,قريت برضه التعليمات بتاعت النزول ونجيب ايه معانا وكده وقنابل الغاز نتعامل معاها ازاي , قعدت اشوف تعليقات صحابي علي الصورة اللي عملت فيها تاج ليهم هي صورة ولد ماسك طوبة بيحدفها علي بتوع الامن ومكتوب كن مع الثورة ,تعليقاتهم كانت معظمها تريقة :هو في ثورة عالفيس بوك, في ثورة بيتحددلها مكان وزمان ,طب ما تخلوها 26 عشان عندي امتحان ,هبلغ عنك أمن الدولة ,هتودينا في داهية يا باشا وكده يعني بس مكنتش باحبط خالص,
 بس كنت خايف تتطلع مظاهرة صغيرة زي مظاهرة عابدين واللي كان فيها 150 واحد واتضربنا تمام ومشينا ,او الوقفات اللي كانت بتبقي علي سلم نقابة الصحفيين.
 بس كان عندي شعور غريب, كان جسمي بيقشعر كأن بكرة اول يوم عيد او اول يوم في السنة الجديدة في المدرسة او ليلة قبل ما بنروح المصيف الاحساس اللي كنا بنحسه واحنا صغيرين قبل اي حدث يفرح .
كان اخر بوست اكتبه قبل ما انام : وبكرة مهما يتاخر مش وارد أنه يروح ميجيش, قفلت الكمبيوتر  والخواطر كلها في دماغي الناس هتنزل فعلا ممكن مثلا نشيل وزير الداخلية سقف المطالب كان لسه مش عالي اوي ساعتها , ولا ممكن نعمل زي تونس مثلا ياااه ولا هيضربونا برضه ونمشي.. لحد ما نمت .
اه فيه حاجة برضه عملتها في يوم 24 الضهر البنت اللي مكنتش عارف اكلمها في الكلية قررت اعملها add كنت متردد اوي بس كنت حاسس اني هيحصلي حاجة بكرة هاتحبس هاتعور فقلت خلاص الواحد نازل بكرة ومش عارف هيحصله ايه فاتكلت علي الله لعل وعسي . 
صحيت اصريت اني انزل اجيب فول وطعمية كان لازم فطار متين عشان اليوم الصعب  ,مني بعتت لي الرسالة قالتلي :
نتقابل في الحامدية الشاذلية ولو معرفتش تيجي خليك في جامعة الدول .
فتحت البلكونة لقيت راجل غريب بيبص لي قاعد علي الدكة اللي قدام البيت اللي قدامنا ضحكت وقلت هنبتديها ولا ايه ,نزلت كنت قايل لأمي اني نازل اجيب ملازم مش عارف ملازم ايه اللي هجيبها يوم 25 دي بس هي مخدتش بالها الحمدلله وابويا مكنتش قايله بس هو كان عارف اني هاروح وانا كنت عارف انه عارف بس احنا الاتنين بنستعبط علي بعض .
 كنت هاقابل طارق قدام جامع نصر الدين ركبت توكتوك لقيته مشغل الهوا هوايا لعبد الحليم ابتسمت وقلت في نفسي طالما سمعت حليم في توكتوك يبقي الثورة دي هتنجح  كنت بقولها بهزار وقد كان . 
طارق اتاخر كالعادة كنت متضايق خايف التجمع يفوتنا بس الغريبة اني دايما بتفاءل من المشاوير اللي بيحصل فيها اي مشاكل المهم   كل ما نوقف تاكسي نقوله جامعة الدول وشه يتقلب ويروح طالع بسرعة ,ركبنا اخيرا عدينا عالجامعة ملقتش اي تجمع هناك مع انه كان مفروض , احبطت شوية بس لسه كان في أمل.
 وصلنا الحمد لله ملقيناش اي حاجة غير الظباط وبتوع الامن المركزي لدرجة اني فكرت اروح أسالهم هي المظاهرات فين  ,مشينا لحد مصطفي محمود لقينا 20 واحد بس الاحباط بدأ يتملكني شوية قلت يبقي زي كل مرة.
 لكن فجأة لقيت تراب جاي من ورانا ما لايقل عن 20الف واحد ...عيش حرية كرامة انسانية , علي وعلي وعلي الصوت اللي هيهتف مش هيموت , بالروح بالدم نفديك ياوطن, روحتلهم وانا بجري , هتاف بقي غير منقطع بس اكتر حاجة كنا بنقولها بحماس انزل.. انزل, للناس اللي بتشوفنا في البلكونة ,ويا اهالينا انضموا لينا احنا ولادكو واحنا اخواتكم ,راجل عجوز بيشاور لنا من بلكونته وكلنا شاورنا له ولد معانا بكرسي بعجل بيهتف وواحد راح حط العلم علي كتفه اول مرة اقول النشيد القومي بالحماس ده كنت بحسه عادي اوي  بس ساعتها رددناه بكل روح .
كان في بنات قدامي مش بيهتفوا اوي بس اول ما الهتاف يبقي الله اكبر الاقيهم متحمسين اوي بعدين اكتشفت انهم اخوان, ولد طلع من شباك العربية وماسك علم معاه اكيد كان جايبه في ماتش لمصر وقاعد يهتف معانا بحماس واحنا بنحييه لغاية ما العربية بعدت, كله بيناول التاني ازازة المية واحنا ماشيين مش عارفين هنروح فين وصلنا للدقي وعرفت ساعتها اننا في طريقنا للتحرير, الناس اللي كانوا بيقودوا الهتافات واللي كانوا بيوجهونا نمشي ازاي كنت عارفهم كانوا من 6 ابريل وشباب من أجل العدالة والحرية .
ابتدت اول مراحل الصدام اول كردون علي مطلع قصرالنيل دخلنا عليه سلمية سلمية واقتحمناه بسهولة مكنوش متوقعين العدد ده اصلا كان في كوردون تاني دخلنا فيه برضه الي ان وصلنا للميدان لقيت واحد صاحبي بالصدفة اسمه محمد خليل مكنتش متوقع خالص انه ممكن يجيي قاللي ولا انا ,اول ما دخلنا عربية مصفحة بتفرقنا بالمية شفت منظر مش هانساه ولد راح طالع فوق العربية ونزل بالراجل اللي كان بيرش المية علي الارض من ارتفاع 3 متر وقفنا عشان نصلي العصر ورشوا مية واحنا بنصلي خلصنا صلاة كنا عاوزين نطلع علي مجلس الشعب هنا ابتدت قنابل الغاز كان اول عهدي معاها لفيت وشي بالكوفية وكل شوية نبعد اتلميت انا وطارق ومحمد علي راجل بيرمي طوبة وشيلناها منه شفت طوبة مرمية من ورا روحت لافف وبقول مين الحمار اللي بيرمي لقيت حد ضخم 2 متر روحت قلتله بلهجة رقيقة مينفعش كده سلمية سلمية . 
لما الهتاف كان بيبقي الله اكبر كنا بنخاف يتفهم اننا اخوان وبس والاخوان نفسهم كانو يقولو لأ بلاش الهتاف عشان ميتفهمش كده . 
قعدنا في نص الميدان وبعد فترة اكتشفت اننا معتصمين ابراهيم عيسي جه الناس اتلمت حواليه والهتاف رجع تاني  ..لقيت راجل ماشي بيهتف لوحده كده بهتاف غير مسجوع بس هو كان عاوز يقول هتاف معين مش حافظه يمكن منظر الراجل ده بيبن العفوية اللي الناس كانت فيها وانهم غير منظمين ولاحد قايلهم تعالوا ولا حاجة هما جايين عشان اتخنقوا .
علي بالليل كده بدأ الالتراس يجيوا وبدأ يتردد ولأول مرة الهتاف ده "الشعب يريد اسقاط النظام"
علي الساعة 7 مشيت انا وطارق وانا متاكد من حاجتين ان اليوم ده مش هيعدي كده واني هاسقط في المادة اللي هامتحنها كمان يومين .
روحت بيت طارق عشان يديني ملزمة اضحك بيها علي امي واقولها اني جبتها , اول ما روحت البيت قعدت علي الانترنت عشان اشوف حاجة معينة مش اخبار الميدان وقتها ولا الناس بتقول علينا ايه ولا مين اتصاب او كده, ده مكنش اول حاجة عاوز اشوفها , اول حاجة شفتها .عملت كونفيرم ولا لأ . 
يمكن يوم 25 مكنش تأثيرة زي يوم 28 يناير اللي بالفعل سقط فيه النظام لكن يوم 25 هو اليوم اللي اكتشفنا فيه نفسنا , اللي اكتشفنا يوميها اننا كتير ,اللي حطينا فيه الثورة في جملة مفيدة. 
وزي ما قال تميم البرغوثي: والخلق كانوا مدركين لكن مش كلهم متأكدين لحظة ما شافوا بعضهم جوا المظاهرة اصبحت واضحة وظاهرة نعمة الرحمن علي المستضعفين .
وتبقي نعمة الرحمن علي المستضعفين مستمرة ما دامت الثورة مستمرة .

في ذكري وفاة محمود درويش "تنسي كأنك لم تكن"

تُنسى كأنك لم تكن
تنسى كمصرع طائر
ككنيسة مهجورة تنسى
كحب عابر
وكوردة في الثلج
تنسى

انا للطريق
هناك من سبقت خطاه خطاي
من املى رؤاه على رؤاي
هناك من نثر الكلام على سجيته
ليعبر في الحكاية
او يضيء لمن سيأتي بعده
أثرا غنائيا وجرسا
تُنسى كأنك لم تكن
شخصا ولا نصا..وتنسى
امشي على هدي البصيرة
ربما أعطي الحكاية سيرة شخصية
فالمفردات تقودني وأقودها
انا شكلها
وهي التجلي الحر
لكن قيل ما سأقول
يسبقني غد ماض
انا ملك الصدى لا عرش لي الا الهوامش
فالطريق هو الطريقة
ربما نسي الأوائل وصف شيء ما
لاوقظ فيه عاطفة وحسا
تنسى كأنك لم تكن خبرا ولا أثرا وتنسى
انا للطريق
هناك من تمشي خطاه على خطاي
ومن سيسبقني الى رؤياي
من سيقول شعرا في مديح حدائق المنفى امام البيت
حرا من غدي المقصوم
من غيبي ودنياي
حرا من عبادة الأمس
من فردوسي الأرضي
حرا من كناياتي ومن لغتي
فأشهد أنني حر وحي حين..أُنسى

رمضان كريم يا د.برادعي

لقائي بد.البرادعي "الجانب الحي من د.محمد البرادعي"

حاولت اكسر حدة انبهاري شوية ....الراجل دخل بكل تواضع قال سلام عليكم كلنا وقفنا رضينا السلام الكل مبتسم لرؤية مثله الاعلي ...فيه لاب توب اترزع علي الارض الراجل بابتسامة رائعة بيشوف ايه اللي حصل بدأ حديثه معانا عامة في كل الاحداث لمدة لا تزيد عن 10 دقائق وقال لنا عاوز اسمعكم انتوا اول 10 دقائق من كلامنا كانت عامة علي كل القضايا كان اول سؤال ليه المجلس العسكري بيستفز الناس بتأجيل المحاكمات وزي اللي حصل لما شفيق كان في العرض العسكري قالنا انا كمان مستغرب ازاي شفيق كان موجود روحت انا قايله بدون توتر مني وعلي سبيل الدعابة عشان هو راجل لا تتعقيه اجهزة الامن تهكما علي كلام شفيق اللي كان قاله قبل كده عن الدكتور والدكتور ضحك وانا طبعا مكنتش مصدق نفسي اني ضحكت الدكتور ...بعدين شيماء  منسقة الحملة بالنسبة للجامعات واللي كانت بتدير الحوار وقفت الكلام وقالت نسأل الكتور عن التعليم موضوع نقاشنا النهاردة عشان ده اجتماع مع منسقي الحملة في الجامعات كنت اول واحد بسال سؤال للدكتور ليه علاقة بالموضوع سألته لو في حاجة فعلا خططها او بدأ في البحث فيها عشان برنامجه الانتخابي بالنسبة لنظام التعليم الجامعي وكان باصص لي عادي كده وبيسمعني عادي برضه يا نهاااااار البرادعي كان قاعد بيسمع سؤالي ...المهم بدأ يتكلم عن مشاكل التعليم الجامعي ثم تطرأ لمشاكل التعليم عامة وبعدين الكلام استمر وفي وسط الكلام الدكتور قال ان شاء الله الناس اللي هما حزب الكنبة احاول اوصلهم افكاري وكده قال انا طالع مع اسمه ايه ده بكرة كان قصده علي معتز الدمرداش وبعدين الاسئلة توالت واحد قال للدكتور ياعني ابسط حاجة ممكن حد يعملها فينا عشان يحاول يتطور التعليم قالنا علي الاقل علم واحد مبيعرفش يقرا ويكتب فرد عليه قاله ايوة يا دكتور الحلاق بتاعي جاهل وانا هاعلمه ان شاء الله الدكتور رد قاله اكيد جاهل عشان حلق لك الحلقة الغريبة دي مقدرتش امسك نفسي من الضحك لا يا جماعة الافيه عالي والبرادعي كمان اللي بيقوله.... واحد بيقول الدكتورفيه بعض الناس يا دكتور بتقول ان الديمقراطية دي كفر والحاد قالنا وده رايي انا كمان علي فكرة :) بيهزر ياعني عشان متفتكروش حاجة  

واحد بيقول لد.البرادعي عندي ملحوظة ضغيرة اوي اوي يا دكتور قاله خلاص متقولهاش بقي :)الراجل ده طلع الاش كبير اوي ياجدعان 



والدكتور بيقول انا بتضايق اوي من كلمة مرشح اسلامي ما كلنا مسلمين ياعني هو فيه مسلم درجة اولي وتانية وكده ولو طلع حج يبقي درجة اولي وكده وقال خلاص بعد كده هقولهم يبقوا يكتبوا الحاج محمد البرادعي مرشح رئاسة الجمهورية . 
الدكتور تناقش معانا في نقط كتير خاصة بالتعليم وانتهي الحوار للاسف مع الدكتور وكله عاوز يتصور معاه والاوضة كانت ضيقة فقسمنا مجموعات فكل اللي اتصور كان عاوز يتصور تاني الدكتور مشي تابعناه كلنا بعنينا وكملنا اجتماعنا بحماس مالوش حدود 
يمكن اليوم ده مكنش اول يوم اشوف فيه د.البرادعي ولا اسمعه ولكنه اليوم اللي اكتشفت فيه شخص د.البرادعي الجميل المصري الاصلي والدتور مصري اكتر من اي حد والله