"اتفضلي اقعدي هنا " اخيرا حد قام لها عشان تقعد كان ولد صغير لابس يونيفورم المدرسة وشنطة باك شكرته وقعدت بس هي مكنتش متضايقه انها واقفة في الاتوبيس عشان عارفه انه اتوبيس ولازم يكون زحمة وغالبا مش هتلاقي مكان وهتقف مكنتش بتنفخ او تبين انها متضايقة من الوقفة عشان محدش يفتكر انها بتعمل كده عشان حد يقوم لها.
اول ما قعدت حطت دماغها علي الكرسي وراحت في النوم بقها كان مفتوح فتحة صغيرة كانت لابسه طرحتين واحدة رمادي وواحدة بمبي كان يومها متعب كالعادة نزلت من البيت الساعة 6 عشان تروح الكلية في ميعادها المشوار بياخد ساعة تقريبا كان يوم عادي زي اي يوم من ايام الكلية حضرت كل محاضرتها صورت ورق كتير النهاردة في وقت البريك مكنتش بتحب تقعد مع اصحابها عشان كل كلامهم كان يا أما نميمة او كلام تافه بتاخد كتابها وتقعد علي جنب تقراه.
بس كان فيه حاجة جديدة النهاردة خلتها مبسوطة الولد اللي كان بقاله كذا مرة بيبص لها كده اتجرأ النهاردة وراح يكلمها متكلمش كتير سألها عن محاضرة الدكتور اللي كان لغاها هيعوضها امتي بس هي كانت فاهمة انه بيفتح اي حوار عشان يكلمها اول ما مشي حست باحساس غريب من جواها كده اول مرة تحس بيها.
صحيت من النومة الصغيرة اللي نامتها علي صوت الكمسري :" ابلة ابلة الاخر يا ابله"
عجبتني أوييييي
ردحذف:D :D :D
I do Like ;)
ردحذفhhhhhhhhhhh danta el wad dah wala meen ??? ssssssssssss ;) aywa ba2a
ردحذفane wad fehom :D enha qesa 5ayalya ya sadeqe :D
ردحذفتحفة اوووووووووووووووي ..
ردحذفانت كل حاجاتك بتاخد جمالها
من بساطتها على فكرة انطلق للأمام ..
استمر يا باشا :)))