ليه بتزعلي لما بقول زمنك خلاص ولي
جلادك معلم كل حته في جسمي ما خلي
وأنتي ساكتة وراضية وبتحكمك شله
فمتزعليش لما بثور وأغضب واسب لك 100 ملة
____________________________________
دلوقتي مش بتكابر ومستغني عن كل شي
طب فين ايام ما كنت بتسرق وتكدب وبترتشي
خايف عشان هتقابله مكسوف وبتختشي
غيرك عشان هايقابله فرحان ومنتشي
______________________________________
راجع لبلده حزين صعبان عليه حالها
حالف يجيب حقها عاوز يغيرها
لقي ناس بتنهب فيها وشعب دمرها
شوية بيثوروا وشوية بيزيطوا وشوية ولا علي بالها
__________________________________________
عيني علي الولد محبوس في يأس وخوف
حواليه بيقولوا دايماً اوعاك يوم تعارض
انسي , اخرس, كبر , نافق, قايض
ولا حتي عارف يكتب غضبه في شوية حروف
ليست هناك تعليقات:
إرسال تعليق